شاطي ومركب..

موضوع: شاطي ومركب.. الإثنين يناير 11, 2010 12:55 am

إن كان مع قلبك وقلبي بعد قلب
خذ قلب من ترغب وانا ردّ قلبي

واتركني احمل لوعة العشق والحب
وانت السبايب في عذابي وحبّي

ورزقي على اللي ينبت الزّرع والحبّ
اللي جعل نبت الشّجر منه حبّي

باروح وابحور الهوى خلفي تصبّ
وحبّك معي وادموع عيني تصبّي

مادام مالي في مخوّتك مكسبّ
وشلون أنا آخاويك والصدّ كسبي

فان كان قلبك باقي لي ويطلب
فانا بقلبي لك فروح تلبّي

زود على مافيه هايم ومتعب
لولاك مابسلك طريق تعيبي

مابهتني نوم ولا اكل ولا شرب
همّمتني واعميت عيني ودربي

أوّل (جروح الحبّ)نظرات تسلب
وآخر بقايا الحب للعقل سلبي

راعي الهوى ماله علاج ولا طبّ
ماغير ينهت نهت ويقول حسبي

ليت انّ لاهل الحبّ شاطي ومركب
واتكون اراضيهم ورود وعشبي

ياشبّ قلبي يالطيف الحشا شبّ
شب القدور اللي لهبها يشبّي

عليك ياللي تخطف العقل واللبّ
جنّنتني وانشبتني فيك نشبي

نحارب الارهاب ننكر ونشجبّ
واعلنت ضدّي يابيض اللون حربي

يارب تغفرلي إذا كنت مذنب
ان كان حبّك ياريش العين ذنبي

يعطيك العافية

موضوع: رد: شاطي ومركب.. الخميس يناير 14, 2010 4:07 am

مشكوووور لاهنت

موضوع: رد: شاطي ومركب.. الخميس يناير 14, 2010 8:51 pm

مشكور